fimmtudagur, febrúar 02, 2006
Jæja.
Ég fór í heimsókn í sveitina um daginn, Stað í Borgarfirði. Þar er mjög fallegt, þó veðrið hafi verið frekar í leiðinlegri kantinum, nema síðasta daginn. Ég fór m.a. á rúntinn á traktori í svo mikilli moldardrullu og rigningu, en það var bara gaman, trakti bara ruddist yfir þetta alltsaman.
Það er nú líka með eindæmum hvað hestar geta verið vitlausir. Einn dag kemur maður að þeim og heilsar upp á þá, og þá koma þeir til manns, en sjá síðan ekkert áhugavert við mann og hlaupa í burtu. Næsta dag ætlar maður að gefa þeim brauð, en þá, við hvert skref, hlaupa þeir í burtu lengst út í rassgat. Nú jæja, þið fáið þá ekkert brauð, við förum bara inn og gefum hestunum þar brauðið!
Fór ég síðan með rútu heim til mín.
Á Blöndósi, mesta rokrassgati Íslands (og þá meina ég heimsins) sé ég flott nef fyrir utan rútuna. Sé ég síðan þetta flotta nef ekkert fyrr en maðurinn sem það var á stendur upp í rútunni og er að fara út á bensínstöðinni á móti Dominos á Akureyri. Mæti ég augum mannsins sem nefið var á inni í rútunni í smá stund og tíminn stöðvast. Þegar hann er kominn út mætast augu vor aftur ("...and our eyes met again").
Fer ég síðan með Habby á Amor í gærkvöldi og segi henni frá gaurnum á leiðinni. Svo segi ég í gamni: "Hahaha, kannske er hann bara inni á Amor!" Og viti menn. Hver er það ekki sem situr þarna einn með tölvuna sína? Nú, mr. Nose!
"Hrafnhildur..." hvísla ég, "þetta ER hann..."
Oh... omg, hann jafnast, þá meina ég nefið hans jafnast næstum því á við nef Adriens Brody. Já, hann greinilega mundi eftir mér síðan í rútunni og "looked into my eyes" stöku sinnum. Gaman að því.
Þannig fattaði ég að hann er útlendingur (og líka því hann talaði ensku) en íslenskir strákar horfa bara ekki í augun á manni! Bælda víkingakynslóð.
Ég auglýsi hér með eftir íslenskum karlmönnum sem horfa í augun á manni og láta svo þar við sitja. En nei, þeir eru bara ekki til. Held mig bara við Grúgúslavana þá. Jebb. Kemur. Teknir, whatever *gelgj* o.s.frv.
Og íslenska liðið í handbolta var að tapa. Kemur.
Og svona í blálokin, yfirlýsing ársins og áramótaheit:
Ef Norðlendingar samþykkja byggingu álvers hvort sem er á Húsavík eða Akureyri, þá skal stöðva það, sprengja upp það sem verður byggt - frændi minn var nú fremstur í flokki við að sprengja upp stífluna sem gerð var í Laxá forðum, þannig að það verður bara endurtekið.
Ég skora á alla þá sem vilja að Akureyri eða Húsavík verði EKKI að álversbæjum að taka sig saman og búa til allsherjar mótmælagrúppu, byrja á venjulegum mótmælum, þ.e.a.s. með viðveru, spjöldum og orðum (þ.e. viðvörun), en þegar það verður ekki tekið mark á því skal látið slag standa og þessu álveri útrýmt. Mér er sama þótt ég þyrfti að sitja í fangelsi eða væri sett á svartan lista, það má ekki vaða svona yfir landið okkar og þjóð enn einu sinni.
Ég stend við orð mín.
Unnur Birna 18:24 #
