þriðjudagur, desember 20, 2005
Jólafrí!
Ha? Hvað meinarðu?
Jólafrí? Um mitt sumar?
Nei bíddu...
Allt í lagi sko. Ég er rétt í flugvélinni á leiðinni frá Tyrklandi og það er strax komið jólafrí! Jól! Og svo nýtt ár! Þetta verður fæðing fyrir tímann...
Ég veit ekket hvað ég á að gera, allir að fara eitthvert í einangrun í frí, hvað fær fólk til að búa einhversstaðar í dalverpum lengst úti í ...?
Oh... og þurfa að yfirgefa mig þegar frí koma. (ah, ég bý nú eiginlega sjálf á krummaskuði, en jú, stóru krummaskuði - ef það krummaskuð má kalla)
Jæja, það fara þó ekki allir, og svo koma sumir líka, Teitur og Som m.a. og ég verð að fá Huldu til að koma um áramótin aftur! :D
Og þið þarna, (fólk), sem búið ekki svo langt frá Akureyri: komið til mín á gamlárskvöld með bara hele familien ef því er að skipta, sprengjum nokkra ameríkana, og kannske kínverja, allavega rakettur (munið að rak-ykkur, æ) og já, ef það verður ekki "stormur" eins og í fyrra er kannske hægt að fara á brennu, eða við kveikjum bara í einhverju(m) og búum til brennu úti í garði, býður sig einhver fram? (Mamma þín). Já nei en svona í alvöru, þá verður að vera gaman hjá öllum og nú skrifa ég í belg og biðu en samt sem áður - loksins friður til að vera heima með fjölskyldunni, ég ætla að reyna að taka upp nokkur lög og svona en ég vil samt hitta alla og vera á fullu alveghreint... ég veit ekkert hvað ég á að gera núna, nema skrifa nokkrar carminugreinar og æfa mig á fiðlu og píanó og kannske kaupa nokkrar jólagjafir og ég er hætt að hugsa um það sem ég er að skrifa, það kemur bara eitthvað út úr fingrum mér, þeir hafa nú sjálfstæðan vilja og taka völdin...
Nei, maður á ekki að láta einn líkamspart stjórna sér, þó þetta séu báðar hendurnar, ég verð að fá fleiri verkefni yfir jólin... eða læra að slappa af, sofa og borða svona til tilbreytingar = til(1 + breytingar).
Já, GLEÐILEG JÓL!!
FELIZ NAVIDAD (jólakort verða skrifuð á spænsku á mínu heimili, til útvalinna)
og bless.
Unnur Birna 12:44 #
