þriðjudagur, október 18, 2005
Jæja, þá er ég komin heim í heiðardalinn. Helgarferðin á mölina var alls ekki svo slæm, hún var alveg hreint frábær í alla staði. Ég setti já nokkrar myndir sem teknar voru á Broadway, nokkrar í flugvélinni.
Ég sem sagt lenti um hálf tvö leytið í Reykjavík með mömmu, Dagnýju og Ævari. Pabbi fór um morguninn. Lendingin var allsvakaleg, það tók alveg 20 mín að lenda, því það var ferlegt veður. Við þurftum að taka krók framhjá Esjunni, því þar var ókyrrðin óbærileg og óferjandi, og lenda úr austri á Reykjavíkurflugvelli. (sem mér finnst btw alveg fáránlegt að ætla að flytja). Við sveimuðum í loftinu, nei þetta var sannkallað "Dansað í háloftunum" (eins og bókin). Við pompuðum upp og niður og hristumst til, snerumst hægri vinstri og ég bara veit ekki hvað. En, ágæt reynsla, ég hef aldrei fengið svona mikla ókyrrð í lofti - og hef ég þó flogið allmörgum sinnum út og suður.
En, æfing með Mánum og Mánabörnunum hófst svo um 4, reyndar ekki fyrr en 5 og gekk sú æfing vel. Og það heyrðist í fiðlunni!
Svo fórum við pabbi bara á Leifsgötuna til Guðbjargar þar sem við höfðum aðsetur og Dagný Halla fór austur á Selfoss til ömmu og afa. Mamma var úti í Garðabæ hjá Tótu, við pabbi komum þangað og ég fór í bað. En hvað það var gott.
Tónleikarnir miklu hófust svo klukkan ellefu um kvöldið á Broadway, þar var ennþá eitthvert Evrópu-businesslið í matarboði en við spiluðum nú bara þrátt fyrir það. Tónleikarnir gengu vel og voru Hulda, Ævar, Haukur, Teitur og Som mér til halds og traustst úti í sal. Eftir tónleikana (sem voru by the way alveg dúndurmagnaðir like always ya know) var svo haldið mikið balliskrall og fengum við Bánamörnin frí þá. Ég og nafngreinda fólkið hér að ofan, dönsuðum eins og vitleysingar úti á gólfi, það var einhver gamall kærasti Boggu (systur mömmu) að reyna við mömmu og fannst mér það mjög fyndið. Mamma sendi mér svona leynileg skilaboð um að bjarga sér og kom ég auðvitað til hjálpar!
Þetta var alltsaman mjög skemmtilegt og vel heppnað og væri gaman að endurtaka þetta einn daginn! :)
Nóg í bili.
Unnur Birna 19:16 #
