laugardagur, ágúst 27, 2005
Lengdist heldur úr Take-away kaffibollaferð okkar Ævars í gær. Fórum við á Bláu könnuna og hittum við ekki nema Herra Hauk, Mister Som og Frökeni Olgu! Teitur hinn teiti lét einnig sjá sig og svo miklu fleira fólk. Endaði mannskapurinn á Kaffi Karólínu þar sem við Teitur tókum MarX-lagasyrpu, reyndar mundum við aðeins eitt - það fyrsta sem við lærðum. Ó, Marek, hvað við söknum þín!
En það hefur nú annars ekki mikið gengið á síðan ég heim til mín kom frá landi Póll, nokkrir dagar eru í Tyrkland, hlýtt veður og Grúgúslava. Hre hre hre.
Já, það er nú meira skítaveðrið eins og vanalega á þessu kalda skeri hér í Norður- Íshafinu. Lögreglusvínin halda áfram að handtaka mótmælendur en eru ekkert að hafa fyrir því að handtaka alvöru ofbeldismenn. Hvað hefst upp úr því? Þeir eru náttúrulega ekki að lýsa skoðunum sínum á móti stjórninni, þ.e. heimilisofbeldismenn og önnur skrímsli sem hefðu átt að vera uppi á veggjum sýningarinnar Skrýmsl í Listasafninu.
Mamma, pabbi og Dagný Halla færðust suður á bóginn í gærkveldi, reyndar bara að Selfossi og mun Kárahnjúkalagið, eða Móðir Jörð eins og það heitir, vera tekið upp. Mánar eru að rísa og er þetta alls óhlutlaus rokkballaða sem faðir minn góður samdi ásamt móðir minni sælli um virkjanir. Best að fara að safna fyrir lausnargjaldi.
Já, Djangó kallar.
Unnur Birna 13:03 #
