miðvikudagur, júlí 27, 2005
Úje
Það var gott veður í dag líka. Fór í sund í morgun og var þar í 2 tíma. Sæti sæti.
Um 6-leytið drattaðist ég með Dagnýju og vinkonu hennar, Ástu Björg úr Hveragerði, í Kjarnaskóg og kom Ævar með. Við Ævar fórum í eina allsherjar skógargöngu og fundum tréhús í miðjum skóginum og ímynduðum okkur að við værum á ævintýraeyju. Eða í ævintýraskógi. Að leika í ævintýramynd allavega.
Ég ætla ekki að tjá mig neitt um heilhveitis ananas árans fjárans asnafífla ógeðslega viðbjóðslega ógeðsógeð viðbjóðsógeð og viðbjóðs hálfvita aulana þarna fyrir austan sem banna mótmælendum að mótmæla. Halda þeir að maður sé að mótmæla þegar maður stendur bara hjá og horfir á eyðilegginguna?!
Oh, fífl, vita ekki hvað það er að mótmæla. Ég SKAL sko sprengja þessa heilhveitis stíflu í loft upp og þessa hálfvita með ef þeir hætta þessu ekki strax.
Enjá, ekki að tjá mig um það. Ahh, hvað þetta var samt gott. Að fá smá útrás.
Annars, þá er ég í mjög góðu skapi! Ég elska góða veðrið, sólina, fuglana, kettina mína, fjölskylduna og allt í heiminum nema:
Eyðileggingu
Stríð
Bush
Sjálfstæðisflokkinn
Veikindi
Geitunga
Framsóknarflokkinn
Sýslumannsstaðgengla
Virkjanir
Hryðjuverk
Álver
Misrétti
LIM
Gulu pöddurnar sem hrynja á hausinn á manni þegar maður situr undir reynitrénu
Illvirki
(...)
Já, best að hætta þessu núna og fara að sofa inni í sumarnóttinni björtu.
Unnur Birna 23:35 #
