þriðjudagur, janúar 25, 2005
Er sumarið að koma?
........eða er þetta bara eins og venjulega, það frýs aftur og allur bráðnaði snjórinn breytist í einn allsherjar svellbunka þar sem fjöldi fólks breytist í beljur á svelli og rennur á rassgötin hér og þar? Í hálku ættu allar götur að heita Rassgötur.
í gær fann ég stórmerkilega hluti, kasettur frá því ég var 9 ára og Dagný Halla þriggja. Við vorum að tala saman um daginn og veginn. Litli ormurinn og ég :)
Í pakkanum fylgdi einnig ýmis lög sem ég hafði samið, 1. píanóverkið mitt, sem var í C-dúr, en einnig syntalög sem ég gerði niðri í stúdíói þegar ég var 12-15 ára. M.a. 'Mermaid' og 'Vor í september' (sem ég sendi í Júróvísjón, hahaha, með frekar fyndnum tekknótakti og júróvísjónhækkuninni). Það væri nú alveg hægt að gera eitthvað með þessi lög, en það er samt svo flott að heyra alveg upprunann, ég ein að spila og syngja og semja jafnóðum, haha, lögin eru alltaf 10 mínútur. (nema Eurolagið). Svo kemur einhver stökkbreyting í lagasmíðina og ég sit við flygilinn og spila ofjazzaða hljóma og svo einhverja frasa, stef. Það gæti verið gaman að vinna með það og setja saman þennan frasa og þennan. Jahá, alltaf er ánægjulegt að finna eitthvað gamalt og gott.
Unnur Birna 13:34 #
