föstudagur, janúar 28, 2005
En hvað það hlýtur að vera leiðinlegt að vinna við það að 'bjóða fyrirtækjum ráðningarþjónustu, markaðs- og viðhorfsrannsóknir, ráðgjöf og þjálfun.'
Eins spurning samt: Hvað gera stærðfræðingar? Þegar maður spyr einstakling sem er á leiðinni í stærðfræði í Háskóla hvort hann ætli að verða stærðfræðikennari og svarið er nei... hver er þá hugsunin á bakvið þessa ákvörðun? Eg meina, stærðfræðingar læra stærðfræði til að kenna öðrum stærðfræði eða sitja einir bældir heima við kertaljós og teikna þríhyrninga og mæla hornin í þeim. (Sbr. Sigurkarl Stefánsson, langafi minn sem var nú bæði stærðfræðikennari og nörd.)
En í alvöru? Vinna þeir við útreikninga í landa-eða jarðskorpufræði? Nei... þá þarf maður að vera landfræðingur eða jarðfræðingur. Hmm, kerfisfræðingar og tölvunarfræðingar vinna við einhverja útreikninga...hmmm.
En stærðfræðingar búa til stærðfræðibækur og kenna. Ofmenntaðir stærðfræðikennarar geta samt ekki kennt, ein undantekning er Níels sem er eini kennarinn sem gat kennt mér stærðfræði.
En stærðfræði er bara eitthvað svo tilgangslaus oft á tíðum. Fólk að velta sér upp úr einhverju sem löngu er búið að fara í gegnum og fatta. Nema í einstaka tilfellum koma upp nýjar formúlur, en það gerist bara einu sinni á öld ahhh.
Hvaða sköpun er í stærðfræði? Gætu stærðfræðingar haldið sýningar á dæmum sem þeir væru búnir að reikna? Þá fengju stærfræðingar eitthvað að gera, farið á dæmasýningu hjá kollegum.
Þetta er samt bara svo mikil einangrun, það skilur enginn stærðfræðing nema annar stærðfræðingur. (ekki einu sinni nemendur stærðfræðikennara) Oftast.
Þetta er bara pæling dagsins, enginn áróður gegn stærðfræðingum. Þeir eru fínir, og er ég komin af einum slíkum. Tónlistarfólk er samt yfirleitt ekkert sérlega gott í stærðfræði þótt sama heilahvel sé notað í tónlist og stærðfræði. Stærðfræðinni fyrlgir bara svo mikil rökhugsun og rökrétt ályktun. En ég þoli bara ekki þetta stærðfræðisnobb.
Hvað er merkilegra við stærðfræði en eitthvað annað?
Unnur Birna 19:20 #
