mánudagur, september 20, 2004
Mér líður eins og ég sé í Rússlandi
Jæja, nú verkfall grunnskólakennara skollið á. Nú fá foreldrar margra barna að finna fyrir því að þau eiga börn. Hey! Foreldrar þurfa að hugsa um börnin sín allt í einu! Ég þoli ekki þegar foreldrar grunnskólabarna stofna til mótmæla og neita verkfalli þeirra. Fólk sem fær hellingskaup, skilur ekki að kennarar vinna dag og nótt og fá skítalaun. Þetta fólk er í raun að segja:
"Drullist aftur til vinnu og passið börnin okkar! Hvað haldið þið að við nennum að ala þetta upp?"
Kannske er þetta sterkt til orða tekið og auðvitað alls ekki allir foreldrar sem hugsa svona. En hvernig fólk talar um kennara, það var þáttur í útvarpinu í morgun þar sem annar þáttastjórnandinn sagðist hafa móðgast þegar kennarar sögðu óbeint að nú þyrftu foreldrar að hugsa sjálfir um krakkana sína.
Jæja, foreldrar sem láta börnin vera í pössun í skólanum upp undir kvöld, nú verðið þið sjálf að taka ábyrgð á afsprengjum ykkar og hætta að skammast í kennurum, þeir verða líka að fá almennileg laun. Síðustu samningar voru fáránlegir, en lógískir: meiri vinna, meira kaup.
ÁFRAM KENNARAR! VERKFALLIÐ ER SAMNINGANEFND SVEITAFÉLAGA AÐ KENNA, ÞANNIG AÐ MÉR FINNST AÐ FORELDRAR ÆTTU FREKAR AÐ SKAMMAST Í ÞEIRRI NEFND EN YKKUR! EKKI BYRJA AÐ VINNA FYRR EN ALMENNILEGIR SAMNINGAR ERU GERÐIR!
Mitt álit er komið, ég er gáttuð á heimskum foreldrum sem reyna að mótmæla, mótmæla kennurum, en haha, það komu bara hundfáir á mótmælin.
Unnur Birna 10:02 #
