miðvikudagur, ágúst 11, 2004
Robin Nolan Kevin Nolan SIMON PLANTING Daniel Lapp.
Þeir eru MJÖG góðir. Daniel var 1000 sinnum betri á laugardagskvöldinu, hann sagði meira að segja sjálfur að honum hefði liðið betur að spila þá, því þá voru þeir samstilltari.
Karólínuferðir tvö kvöld í röð, með Robin Nolan og þeim. Það er alltaf gaman. Talaði við Daniel og hann vildi endilega að við hittumst daginn eftir og spiluðum saman, svo ég gerði það. Fór heim til Jóns og Löllu og spjallaði við Robin og SIMON og Kevin og svo kom Dan.
Svo lék ég leigubílsstjóra, kannske frekar rútubílsstjóra þegar við fórum í grillveisluna til Gunnars. Eftir veisluna hoppuðu þeir allir upp í bílinn hjá mér og við keyrðum eitthvert, Kevin vildi endilega sjá fólkið á 'the loop' - 'rundur' (með rödduðu n-i) eins og hann sagði. Svo við keyrðum 2 hringi með Diana Krall í botni og Kevin að fíflast í framsætinu og ég og allir hinir að drepast úr hlátri.
Svo var það hvert ætti að fara. Karólína komst til tals. En þá spurði Robin mig hvort ég ætlaði. Ég sagði bara 'Hmmm.. tjah... I don't know..." og hann sagði svo alvarlegur ' I'm not going if you're not going.' Þá endurtók Kevin það sem hann sagði með ótrúlega kjánalegri rödd og ranghvolfdi augunum. Svo endaði maður á Karólínu og SIMON gaf mér Swiss Mocca. Við spiluðum, ekki á hljóðfæri í þetta sinn, heldur á spil og svo var voðalegur fíflagangur í gangi. Þetta var mjög gaman bara og svo keyrði ég fólkið heim.
Morguninn eftir fórum við pabbi til Jóns og Löllu og kvöddum þá.
Ég var oft spurð (ekki bara af þeim) hvenær ég pakkaði niður í tösku og færi að ferðast og spila, það er spurningin. Hvenær? Fljótlega. Ég ætla að læra að spila 5unda hringinn á fiðluna frá öllum stöðum og byrja á 2 tóni og allt. Það lærir maður ekki í tónó, neineinei. Maður á ekki að mennta sig of mikið í tónlist, þá úrkynjast maður og allt verður ljótt og leiðinlegt. Bara hlusta og svolgra í sig allri þekkingu, spila spila spila og spila. Ferðast og spila.
Ég var að byrja í þrælavinnu á Hótel Eddu, allir til í að leggja allt þetta á sig fyrir peningana. Oj, ekki ég. Ég er ekki til í að leggja hvað sem er á mig til að fá einhverja peninga. Ég ætla aldrei að vinna við eitthvað svona dót, 8 tímar í það að gera það sama. Má ekki einu sinni hlusta á tónlist. Næstu 3 vikurnar verða blöhhh.
Ég ætla að ferðast um og spila tónlistina mína í framtíðinni. Robin bauð mér að koma með sér núna, ætla samt fyrst að klára MA.
Unnur Birna 19:42 #
