föstudagur, júlí 02, 2004
Dagurinn í dag
Jæja. Simbi og Svali, gulu Cornish Rex kettirnir sluppu út í morgun og allir fjölskyldumeðlimir hlupu út og görguðu "Siiiiiimbi! Svaa svaaa svaaaaali!!" og skiðu inn í alla garða undir alla palla og ég barasta veit ekki hvað. Þetta er nú hálfgerð geðveiki, kallað á kettina með smábarnarödd og flautað ákveðin lög sem kettirnir þekkja og já. Ég ætti ekki að vera að opinbera þetta, en hverju skiptir það ... nágrannarnir vita allt um þetta.
Ég er að fara á hárgreiðslustofu klukkan þrjú, jibbí, en ég ætla ekki að láta klippa mig, veit ekki hvað ég er þá að gera þar, en frænka mín klippti mig í sumar og ALLT OF MIKIÐ og það er í 3. sinn sem það gerist, ég þoli þetta ekki! Þegar ég treysti manneskju til að klippa á mér hárið þá klippir hún iðulega allt allt of mikið og alls ekki eins og ég vil. Ég segi þá bara eins og fyrir rúmum 10 árum síðan: "Ég ætla aldrei aftur í klippingu!!!!" (svo komu svona urr og hvæs hljóð) ég er hætt að láta klippa mig, ég segi upp.
Unnur Birna 13:08 #
