þriðjudagur, apríl 25, 2006
Ég er búin að búa til nýtt blogg, því þetta ljóta heilhveiti virkar ekki hér. ég veit, ég er á móti því að búa alltaf til nýtt og nýtt eða kaupa nýtt þegar eitthvað bilar, en ég bara hata þetta blogspot drasl núna í augnablikinu.
Nýja draslið er einfalt:
http://unnurbirna.bloggar.is
Unnur Birna 12:54 #
Vibba ógeðs heilhveitis viðbjóðs ananas skota vibba ógeðs drasl!!!!!!!!
Unnur Birna 00:06 #
Þá er ég að fara að leggja í hann til Tallin.
Mun ég hitta Eista þar.
Jájá, ha-ha.
Unnur Birna 21:33 #
Þú ert fullkominn.
Unnur Birna 11:48 #
Hér verður ekki ritað eitt einasta orð meir, nema það sé þaðan af merkilegra og orða ég geti ei bundist.
Ég er að búa til upptökustúdíó í stofunni.
Unnur Birna 14:28 #
Segulmenn
Ætli það séu til segulmenn: menn sem soga að sér ýmsa smáhluti, gafflar og skeiðar og þess háttar hlutir festast á ýmsum stöðum á þeim og svo þegar þeir hittast, þá annað hvort hrindast þeir frá hvorum öðrum (af miklu afli) eða sogast að hvorum öðrum?
Nei... bara pæling.
Unnur Birna 15:36 #
Ég var að ræða við litlu systur mína í gær og við vorum að tala um hitt og þetta. M.a. spurði ég hana hvaða íslenski karlmaður henni fyndist sætur og hún fann engan annan en Antonio Banderas, sem er auðvitað ekki íslenskur.
Fer ég þá að reyna að ota að henni íslenskum körlum. Segi ég síðan eftir mikla upptalningu:
"Hvað með ...Magga Schev?"
Þá sagði hún:
"Ha? Magga Skyr?"
Þetta fannst okkur svona líka ofboðslega fyndið og er maðurinn sem sagt kominn með nýtt nafn, Maggi Skyr.
Hún neitaði auðvitað Magga Skyri, en þá neyddi ég hana til að vera með Íþróttaálfinn sem sætan íslenskan kall þangað til hún fyndi einhvern annan.
"Æ, nei!!" hrópaði litla systir mín, "Ekki ÍÞRÓTTAÁLFINN!"
Og þá varð okkur ljóst hvað þetta er í raun hallærislegt. Hann heitir Íþróttaálfurinn með ákv. gr., og er auk þess miklu stærri en allir í Latabæ og býr í skýi ... Þannig í raun ætti hann að heita Íþróttatröllið, en það er auðvitað ekki eins lipurt og álfurinn.
Ég reyndi að koma upp úr lille sös hvaða gaur henni fannst sætur, en hún sagði þá:
"Antonio Banderas! Hann er íþrótta... nei ég meina íslenskur!"
Hversu fyndið væri það að Herra Banderas væri íþróttaálfur? Það væru bara nokkrir menn í heiminum sem væru íþróttaálfar, en Maggi Skyr hinn eini sanni íþróttaálfur, Íþróttaálfurinn.
Ég geri mér fulla grein fyrir því að þessi færsla meikar engan sens, en það er allt í lagi svona í lokin. Ég er að hugsa um að hætta að blogga bara, það er ekki til neins. Nema til að hlæja að Íþróttaálfinum.
Unnur Birna 14:04 #
